أخبار عاجلة
الرئيسية / الاخبار / صبري محمد علي (العيكورة) يكتب: {إستراحة شاي خفيف): السيد مناوي بالطريقة دي (بتكتل) ليك زول !

صبري محمد علي (العيكورة) يكتب: {إستراحة شاي خفيف): السيد مناوي بالطريقة دي (بتكتل) ليك زول !

صبري محمد علي (العيكورة) يكتب: {إستراحة شاي خفيف):
السيد مناوي بالطريقة دي (بتكتل) ليك زول !

أكثر ما يعجبني في السيد مناوي دائماً (مِشتت) و لافي الحرب في دارفور تلقاهو في القضارف
جاطت مدني
يهبر ليك شندي
(مُش عارف) ناس (قحط إتنين) يعقدوا مؤتمر بالخرطوم
تلقاهو مرق في باريس
يعينوه حاكم إقليم دارفور
يمشي يخاطب ليك ناس المناقل …!
يعني من متابعتي لهبرات السيد مني اركو مناوي بإستمتاع طبعاً
(إنو) …
زول كويس جداً
ودمو خفيف
لكن (أبدن) لا يصلح أن يكون رجل دولة في أي مستوى من مستويات الحُكم
(ده رأيي الشخصي)
ما تعاين ليّ
برضو الزول ده فيهو حاجة كده من الحركات (القذّافية)
في حُبه للهيلامانة والزي الافريقي و المشاترة وكده
أمشي وين يعني؟
أمشي السماء ذات البروج؟
دي حالة …..
قالها لإحدي محاوراته بقناة فضائية ما
برضو الأستاذ أخد ليهو تخريمة على الطرق الصوفية في فترة ما لكن ما أظنها (جابت همها)
رغم (السكروتة) البيضاء والطاقية (الماخمج)
المهم يا سيدي
الايامات دي
يلاّ يا مدني
يا شباب مدني
زيو زي غيرو
(ماليين الوسائط) !
سمح
وكتر خيركم وما قصرتو وياها المحرية فيكم !
بس ياخ ما تقعد تكرر لي في (سِيّرة البحر) كل يومين
إتحركوا ياخ …!
بالأمس نُشرت له صورة وهو جالس خلف مِقود (التاتشر) سماها
ناشر (الخبر)
تدشين التحرك لتحرير الخرطوم ..!
يا سيد مناوي
ياخي الدعامة ديل لااا متين يتدرقوا منك ومن عقار
جاينكم
جاينكم
ما تشتغلوا (صايلند ياخ) !
وهوو …
البهدد بكاتل؟
فالطريق الي مدني مسار ساعتين والي الخرطوم مثل ذلك
و بالتوفيق يا شباب
فكتاب التاريخ مفتوح لمن أراد

عن Admin2

شاهد أيضاً

الجودة تختتم امسياتها الرمضانية

الجودة تختتم امسياتها الرمضانية أنهت مؤسسة الجودة التربوية التعليمية السودانية بالقاهرة امسياتها الرمضانية امس بليلة …