خبطة نيوز
Related Articles
*صبري محمد علي يكتب:*
*شمار لا يُمكِن تأجيله*
*مبروك مُعتمدية اللآجئين*
شاهدت و إستمعت قبل قليل لجزء من المؤتمر الصحفي للسيد وزير الداخلية اللواء (م) خليل باشا سايرين والسيد معتمد مفوضية اللاجئين (المكلف) الجديد الدكتور محمد ياسبن التهامي
والذي إستلم مهامه بديلاً للمعتمد السابق المثير للجدل (المستر) عطرون
قبل أسبوع كما فهمت من مقدم المؤتمر الصحفي
(عطرون) …..
الذي رفض تنفيذ قرار الإحالة للتقاعد بعد بلوغة السن القانونية هو ونائبه وما أثاره الرجلان من (عنترية) غير مفهومة من كنكشة بكراسي المعتمدية
المهم يا صاحبي الحمد لله وقد (غادر) عطرون الى غير رجعة
وما دعاني لكتابة هذه السطور هو حديث السيد المعتمد الجديد
ياخي زول هااادي وكلامو طاعم وعارف شغلو وتحس كده إنو الزول ده عااارف كل خبايا الدبابير
ياخ مافي عنوان ذكره إلا وقلت (أخخ يا راسي)
قانون اللجوء
ضعف التمويل
ضبط الحدود
ضبط اللجوء
الدمج
الخدمات
القوانين
الشراكة مع الإعلام
نقاط الضعف وما يجب فعله وما يجب تأجيله
ومن أين سيبدأ السودان هذا وأين ينتهي
ياخ الزول ده والله كيفني كيف!
مبروك يا سعادة الدكتور محمد ياسين التهامي
وأعانكم الله
*ده الشغل ياخ*
*تقول ليّ عطرون!!* يا………
أمسية الجمعة ٢٥/أكتوبر ٢٠٢٤م
