خبطة نيوز
مقالات مشابهة
صبري محمد علي يكتب: جلسة شاي خفيف:
حبايبي الحلوين أفهمكم ليها أنا يعني؟
أظن من بعد العيد وإنت طالع
(فهمتا) عليً ؟
مافي تاني قحاطي ولا حزب ولا تنسيقية ولا بتاع
بمقدوره أن يذهب
ليطرق باب الفريق أول
عبد الفتاح بن عبد الرحمن البرهان
وتحت اي مبرر كان
كلمة رئيس مجلس السيادة الليلة بمناسبة عيد الفطر المبارك كانت كلمة مختصرة وقوية وشاملة
و أرسل خلالها وبأدب جم رسالة
مفادها …
*(مافي زول يجيني تاني)*
وقال (حفظهو الله وأبغاهوو) ونكتبها بالغين عمداً *(كعيدية)* لقحط بجميع قبائلها والوانها
قال …
أقولها و بالصوت العالي ….
(والحديث لسعادتو) …
*لاعودة لما قبل ١٥/ابريل ٢٠٢٣م*
*لا عودة لما قبل ٢٥/اكتوبر ٢٠٢٢م*
*لا عودة لماقبل أبريل ٢٠١٩م*
في حاجة تانية يا جماعة بتخلي
أي قحاطي
واللاّ أرزقجي
واللاّ ناس أحزاب البيوت المقدسة
واللاّ سمسار صكوك (وطنية)
يلبس ليهو كاكي
واللاّ يلف ليهو عِمّه
واللاّ يربط ليهو (كرافتة)
ويقول …
والله الليلة
عندنا مواعيد مع فخامة رئيس مجلس السيادة ؟
أعتقد جازماً ومن قرأتي لخطاب اليوم
أن …
المُتبقي لإعلان حكومة الكفاءآت المرتقبة هو تجهيز (المايكرفون)
وأي حزب أو تنسيقية أو (جن أحمر) لو عنده عمار فعليه أن يتجه لقواعده من الآن …
فمن الواضح (جِدْن)
إنو الوش بعد العيد
سيكون (كعب) و غير !
فكفاية ضياع وقت في الإستقبالات الجوفاء لكيانات أقل ما توصف بأنها أعواد (طرور) لا وزن لها
نعلن عن كامل تعاطفنا ….
مع الباحثين عن الوظائف والعملاء والمتسلقين و أيتام السفارات
والجاتك في …… سامحتك
(وكل عام والسودان بألف خير)
ليلة العيد ٩/أبريل ٢٠٢٤م
